Ficobako Egunberrietako Haur Parkea

Ficobako EHPa berriztatu da

Aurten ere Ficobara itzuliko da jendeak irrika handienaz itxaroten duen jardueretako bat: Eguberrietako Pin, Pan, Pun Haur-parkea, abenduaren 22an ateak zabaldu eta urtarrilaren 4ra arte egongo dena.  Bi aste horietan Ficobako hiru pabiloiak haurrez eta helduez beteko dira, Haur Parkeak edizio honetan eskaintzen dituen proposamen mordoaz gozatzeko prest.

Garaiak aldatu egiten dira, eta haurrak ere bai; horregatik Ficobako Eguberrietako Haur Parkeak berritu egin du bere eskaintza, teknologia bilakatuz aurtengo edizio honetako protagonista. Aurten dauden proposamenen artean hauek nabarmentzen dira: La Caixa Gizarte Ekintzak instalatu duen planetarioa, errobotei buruzko haurrentzako tailerra eta software libreko hastapen gunea.

Planetariuma Ficobara iristen da Planeta Mugikorraren proposamena. Ekimen honen asmoa da astronomiaren mundua hurbiltzea eta horrela jakin eta deskubritu ahalko da zergatik den desberdina  zerua gauero. Hori guztia kupula puzgarri batean. Bertan kupula osoko bideoak proiektatzen dira eta horrekin erabateko murgilketa sentsazioa lortzen da.

Umeentzako errobotika tailerrean beren lehenengo errobota programatzen ikasiko dute, beren oinarrizko osagaiak zeintzuk diren jakin ondoren. Errobotika gaiaz ere arituko da software librerako gunean. Bertan 15 ordenagailu instalatuko dira. Gehienek internetarako sarrera izango dute eta bisitariak horietaz baliatu ahali zango dute jokatzeko eta didaktikoagoak eta hezkuntzazkoagoak diren proposamenetarako, hala nola errobotikaren hastapenetan aritzeko.

Ordenagailu-gune horrek ezaugarri berezi bat dauka: denak birziklatuak dira. Ekimen horrekin agerian jarri nahi zaie umeei eta gurasoei ordenagailuen eta jokoetarako sarbidea (joko ludikoak zein didaktikoak) askoz merkeagoa izan ahal dela eta jakina, besteak bezain dibertigarriak izanik, software librea duten birziklatutako ordenagailuak erabiliz.  Internet Euskadik koordinatzen du gune hori KZgunearekin  eta reciclanet enpresarekin.

Baina dibertsio tradizionalagoak nahi dituztenentzat, Bidasoako Automodelismo Klubarekin lortutako akordioari esker, auto telegidatuen lasterketa pista batez gozatu ahalko dute abiadura maite dutenek. Eta, jakina, Ficobako EHPan tailer asko ere izango dira (aurpegiak eta  aurpegikoak margotzeko tailerrak, haize-errota bat egiteko tailerra, birziklatutako materialarekin kaxak egiteko, taldekako jokoak, gurasoen eta seme-alaben arteko jolasak…) puzgarri multzo bat instalatuko da Ficoban Uvescoren eskutik, 3 urtetik beherakoentzako ludoteka bat eta azoka atrakzioak. Hitzorduari huts egin gabe bertan izango dira matxinsalto, haurren trena, baby hegalaria, haurrentzako talka autoen pista eta ohe elastikoak.

Eta ez da hor amaitzen Ficobako EHParen eskaintza. Aurten ere Txingudi Zerbitzuak erakundeak berezko gunea erreserbatu du eta ura izango da gune horretako gai nagusia. Helburua urarekin jolastea eta bere ziklo osoa ezagutzera ematea da Bidasoa eskualdean. Hori guztia ikus-entzunezko materialaren bitartez, bai umeentzat bai helduentzat, eta Oka Joko erraldoi baten bitartez ere bai.

Gurutze Gorriak ere errepikatzen du esperientzia, eta aurten Ficobako Eguberrietako Haur Parkera programa oso bate karri du. Bertan hauek sartzen dira: ordenagailuak eta hezkuntza-jokoak, irrati tailer bat, pintura tailer bat eta anbulantzia bat (umeak bertara igo ahali zango dira).

Eskaintza honekin, Eguberrietako Haur Parkeak 3 eta 13 urte bitarteko neska-mutil guztien nahiak ase nahi ditu. Gipuzkoako bazter guztietako neska-mutilak eta beren familiak, zeren eta Ficobako EHParen asmoa baita lurraldeko txoko guztietara iristea, baita Ficobara erraz iritsi ahal den udalerri gipuzkoar guztietako publikora iristea ere, bertako instalazioetan era erosoan aparkatuz edo “topoz” etorri nahi dutenei Irun-Ficoba geltokiraino etortzeko aukera emanez.

Aurreko urteetan bezala, euskara Ficobako EHParen erantsitako beste balioetako bat izango da, eta, horregatik, monitore guztiak elebidunak dira.

Publiko ororentzako parkea

Bestalde, aurten beste urrats bat eman da Ficobak bere instalazioak guztientzako gune irekia izateko duen asmoan. Lehen aldiz abian jarriko da Gipuzkoako ume autisten eta desgaituen familien elkarteekiko ekintza berezi bat; horrela, haientzat bereziki egokitutako irekiera ordutegian, egun batean joan ahalko dira EHPra.

Datu praktikoak:

ORDUTEGIA:
15.00etatik 20:00etara
 

DATAK:
abenduaren 22tik  urtarrilaren 4ra(biak barne)ITXITA  abenduaren 24,25 eta 31n, eta urtarrilaren 1ean.

PREZIOAK:
13 urte arteko haurrek: 7 €.
Helduek: 6 € ;10 ume baino gehiagoko taldeak: 5€ ume bakoitzeko (+ heldu laguntzaile 1 doan)
3 urtetik beherako umeak: Doan
Familia ugariak (txartelarekin): 5€ ume bakoitzeko.

http://pin.ficoba.org