lunes, 3 de diciembre de 2012



Ficobak Eguberrietako aldia inauguratzen du Euskal Kostaldeko Eguberrietako Azokaren bitartez


Urtero bezala, Euskal Kostaldeko Azokak hasiera ematen dizkio eguberrietako jarduerei Ficoban. Azokak aurten 60 bat erakusketariren parte-hartzea izango du, eta eskaintza askotarikoa ekarriko dute azokara.

Euskal Kostaldeko Azokaren ezaugarria da estatuko bazter guztietako eta Iparraldeko erakusketariak ekartzeko duen gaitasuna. Baina aurten ahalegin berezia izan da gipuzkoar merkataritzaren presentzia lortzeko, eta horretarako informazio kanpaina berezi bat egin da lurraldeko merkataritza elkarte guztiekin eta Merkataritza Federazioarekin. Horren emaitza da erakusketarien %30 etorriko direla Gipuzkoatik, haietako 9, Irundik.

Gastronomia, dekorazioa, moda,  sukaldeko tresneria eta askoz gehiago
Aurten ere Euskal Kostaldeko Azokaren ezaugarria izango da bere eskaintza zabala eta askotarikoa. Hartan, jatorrizko gastronomia izenaz ezagutzen den hori da nabarmenduko dena. Ficoba pabiloiak beteko dituzte elikagai zoragarri hauek: Landetako foieak eta ahateak, Iparraldeko marmeladek, Valentziako laranjek, Burgosko odolkiek, Santoñako antxoek, Idiazabalgo gaztak, Aragoiko gastronomiak eta Bizkaiako zein Nafarroako postre-produktuek.

Eskaintza tentagarri horrez gain, beste proposamen interesgarri asko ere izango dira: haurrentzako moda eta haur txikientzako osagarriak, adinekoentzako mugikortasuna ahalbidetzeko elementuak, sukaldeko eta etxeko tresneria, autoak, dekorazioa (orokorra eta eguberrietakoa) eta oparitzeko artikulu asko eta asko.

Haur txikienentzako jarduerak
Euskal Kostaldeko Eguberrietako Azoka ekitaldi egokia da familia osoarentzako. Hori gogoan genuela, hainbat jarduera antolatu dira txikienak entretenitzeko. Ficobako pabiloietan puzgarriak eta tren txiki bat instalatuko dira txikienentzat -azken hau euro baten prezioan-, ardi latxaren txirrista, joko didaktikoak –gurasoek ere parte hartu ahalko dute-, eta, jakina, Olentzero ere ez da faltako. Azoka egunero bisitatuko du eta umeen eskutitzak jasoko ditu. Arratsaldero, 17:30ean txokolate-jatea izango da txikienentzat.

Elkartasunezko atala

14 elkartek eta GKEk erantzun dute Ficobak egindako deiari, Eguberrietako Azokan parte hartzeko. DYA Gipuzkoa, Intermon Oxfam, Chernobilen Lagunak, Amigos Solidarios, Irungo Hiritar Foroa, Txingudi Vida GKE, Cáritas Gipuzkoa, Irungo Gurutze Gorria, Luis de Uranzu elkartea, Aurreratu Elkartea, Garapen bateragarrira Elkartea (Harapan proiektua), Oroitza (Hendaya), Doa eta Alboan dira Elkartuz ekimenean parte hartzea erabaki dutenak. Euskal Kostaldeko Eguberrietako Azokak sustatu du ekimen hau, eduki gehiago eransteko asmoarekin. Erakunde horien parte hartzearekin balioak eta eduki sozialak zein elkartasunezkoak erantsi ahalko zaizkio azokari. Aldi berean, elkarte eta GKE hauei beren jarduerak eta helburuak ezagutarazteko aukera emango zaie urtez urte Euskal Kostaldeko Eguberrietako Azokara etortzen diren milaka bisitariei.

Elkarte eta GKE hauen presentzia Euskal Kostaldeko Azoka bisitatzeko beste pizgarri bat da, bai edukien ikuspegitik bai erakunde horiek proposatuko dituzten jarduerengatik.  Adibide bat jartze aldera,  azoka egun guztietan gosearen aurkako kanpainari buruzko erakusketa ekarriko du Caritasek azokara.

Irungo III. Artisautza Erakustokia
Ficobara hurbiltzeko beste pizgarri bat Irungo Artisautzaren III. Erakustokia izango da.Ekimen hori Gabiltza Elkarteak bultzatu du (Gipuzkoako Artisauen Elkartea). Ficobako 1 pabiloian Gipuzkoa osoko 20 artisau bilduko dira. Horiek ere askotariko eskaintza ekarriko dute, ia lanbide guztiak egongo dira ordezkatuta. Adibide gisa eta besteak beste, hauek ikusi ahalko dira: egurra zizelkatzea, egurrezko jostailuak, koadernatzea... Artisauen eskaintza zabala erosi ahal izango da eta horrez gain, egunero, 12:00etatik 13:30era egingo diren lanbideei buruzko erakusketa-tailerrez disfrutatu ahalko du publikoak. Panpina natural bat ere egin ahalko da (tailer parte-hartzailea), bitxigintza-lanak (erakus-tailerra), beirazko mosaikoa (parte-hartzeko tailerra) eta argiztapena zein kaligrafia (erakus-tailerra).

Artisautza Erakustokiaren irekiera-ordutegia Eguberrietako Azokaren ordutegi bera izango da: 11:00etatik 20:00:00etara izango da, etenik gabe.

Datu praktikoak
Sarreraren prezioa 3 eurokoa izango da eta hamabi urtetik beherako umeek ez dute sarrera ordainduko. Gainera, egunero 100 euroko txartela bat zozketatuko da Azokan bertan gastatzeko.


http://expo.ficoba.org

No hay comentarios:

Publicar un comentario en la entrada