Bioterra 2017

Bioterra, "eko" esperientzia ekainaren 2tik 4ra Ficoban

• 170 erakusketari eta 70 jarduera baino gehiago izango dira aldi berean
• Bioterrara joateko Euskotren txartel berezia, prezio murriztuan eta azokako doako sarrera, Lasarte-Hendaia lineako erabiltzaileentzat.

Ekaineko lehen asteburuan, Bioterra azokaren hamalaugarren edizioa izango da Ficoban, elikagai ekologikoen, bioeraikuntzaren, energia berriztagarrien eta kontsumo arduratsuaren azoka. Bizimodu ekologikoko eta ekonomia berdeko azken joerak eta berrikuntzak ezagutzeko erreferentziako zita.

Beste urte batez aurreikusitako merkaturatzearen eta erakusketarien % 100era iritsi da, 170 baino izango dira aurten, eta hainbat autonomia erkidegotatik eta Frantziatik etorriko dira, Ficobako hiru pabilioiak beteko dituzte beren produktu eta zerbitzuak ezagutarazteko. Hazten eta profesionalizatzen ari den eskaintza da, eta betiko nekazaritza ekologikoari geroz eta pisu handiagoa duten sektore berriak gehitzen zaizkio, hala nola kosmetika, ehungintza, bioeraikuntza edo energia berriztagarriak.

Bioterra, gune profesional bat

Sektore ekologikoko aktore nagusien parte hartzea (enpresak, banatzaileak, aholku arautzaileak, erakundeak...) Bioterraren profila indartzen ari da, profesionalen arteko topagune gisa. Erakusketarien eta bisitari profesionalen arteko harremana profesionalen arteko topaketa-zerbitzua indartzen joan da, aurrez hitzartu daitezkeen elkarrizketekin eta bilerak egiteko toki jakinekin.

Gainera, energia berriztagarrien eta bioerakuntzaren inguruan geroz eta interes handiagoa dagoenez, Eraikiz Gunea sortu da, horrelako enpresei zuzendutako eztabaida-gune zehatz bat Geobat pabilioian.

70 jarduera baino gehiago "eko" esperientzia bat bizitzeko

Bioterra pixkanaka publiko berrietara ireki nahi da. Helburu horretan kokatzen da aurtengo berrikuntzetako bat: Bioterra Yoga Day, kanpoaldeko erakusketa-gunean egingo den master class bat.

Aurtengo proposamen honetan nabarmentzeko beste gauza bat aditu ezagunen eskutik emango diren hitzaldi-programa da. Azokak irauten duen hiru egunetan, osasuna, gaurkotasunezko gaiak (merkatu elektrikoa edo plastikoek eragindako kutsadura) edo jasangarritasunarekin lotutako hainbat aspektutako hezkuntza eta kontzientziazioa konbinatuko dira.

Proposamenak ez dira hor amaitzen. 2017ko Bioterrak Biobeauty Gunea izango du, kosmetika ekologikoari buruzko gunea, eta hitzaldiak eta erakusketak egingo dira; Sukaldean gunean sukaldaritza-erakustaldiak egingo dira; Izan eta esan gunean, berriz, Bioterrako erakusketariek beren produktuak eta zerbitzuak aurkeztuko dituzte; geobiologia-erakustaldiak; Expo Retreten ohitura txarrak eta saneamendu-sareko arazoak saihesteko ongi erabiltzeari buruzko gomendioak ezagutzeko aukera izango duzue; moda jasangarriaren erakusketa bat, Bioterraren webgunean modu xehatuan ezagutu daitezke proposamen gehiago. http://bioterra.ficoba.org/micro_Bioterra/down/Bioterra2017-programa-web.pdf?v02

Edizio honetan, bisitariek Bioterrazaz ere gozatu ahal izango dute, iazko edizioan kanpoaldeko gunean inauguratu zen gune gastronomiko hori, eta izandako arrera ona dela-eta, aurten handiagoa izango da. Bioterrazan jateko eskaintza bikainaz gozatu ahal izango dute bisitariek, azokako bisitarien eskutik.

Txikienek ere beren "eko" gunea izango dute Bioterran

Bioterra familian joateko pentsatutako azoka da eta, bere kide guztiek, adina edozein izanik ere, "eko" esperientzia bat bizitzeko. Etxeko txikienek elikadura osasuntsuari eta produktu ekologikoei buruzko antzezpen batez gozatu ahal izango dute. Ondoren, elikagai aberatsa eta nutritiboa dastatu ahal izango dute doako askari ekologiko batekin. Hori guztia ENEEKen eskutik (Euskadiko Nekazaritza eta Elikadura Ekologikoko Kontseilua).

Lorezaintza gustuko duten txikientzat, baratzezaintzari buruzko tailer bat programatu da. Goizeko eta arratsaldeko saioetan egingo da, eta landareak nola landatu eta zizaredun konpostatzea zer den ikasiko dute. Energia erre nahiago dutenek, berriz, puzgarrietan ondo pasatu ahal izango dute.

Bioterrara joateko txartel berezia

Bioterrak bera aletxoa jarri nahi dute azokaren jasangarritasuna hobetzen eta, aztarna ekologikoa handitzeko xedez, bisitariei eta erakusketariei zuzendutako ekimenak jarri dira martxan. Bisitarien artean garraio publikoaren erabilera indartzeko, Bioterra akordio batera iritsi da EuskoTrenekin Bioterrara joateko txartel berezi bat sortzeko, salneurri murriztua eta azokarako sarrera doan izango ditu, eta Lasarte-Hendaia lineako erabiltzaileek eskuratu ahal izango dute. Bestalde, erakusketarien hondakinak bereizteko tasa hobetzeko ekintza bat diseinatu da.

Horrela, Ihobek (Eusko Jaurlaritzaren Ingurumena Kudeatzeko Sozietate Publikoa) sustatutako Erronka Garbia zigilua lortu ahal izango du Bioterrak. Ziurtagiri horren bidez, diseinuan eta antolaketan ingurumen-neurriak hartzen dituzten gertaerak aitortzen ditu, ekimena egiteak ingurumenean izan litzakeen ingurumen-inpaktu negatiboak minimizatzeko.

Bioterrara etortzeak saria du

Bioterrak produktu ekologikoen sorta bat zozketatuko du orduro, azokan gastatzeko 125 euroko erosketa-kupoiak egunero eta Diámetro 200 jatetxeko janaria dastatzeko eguneko menua jateko 20 bonu.

Nola iritsi Bioterrara

Bioterraren erakusketa hiru gunez osatuta dago. Bioterra gunean egiaztatutako nekazaritza ekologikoko elikadura-enpresek, egiaztatutako kosmetika ekologikoko enpresek, ekoturismoko enpresek eta abarrek hartzen dute parte.

Naturall da Osasunaren eta Ongizatearen gunea, kosmetika eta higiene naturala, ehungintza eta osagai naturalak, habitat osasuntsua, terapia naturalerako osagarriak, erremedio naturalak, prentsa espezializatua, egiaztatutako ehun organikoa % 100ean... aurkitu ahal izango da bertan. Bestalde, Geobat gunean, geobiologiako, bioeraikuntzako, energia berriztagarrien eta kudeaketa ekologikoko erakusketariak ez ezik, geobiologiako, bioeraikuntzako eta energia berriztagarrien erakustaldiak egiteko gune bat ere izango da.

Gune horiekin guztiekin produktu eta zerbitzu ekologikoen eta jasangarrien eskaintzaren ikuspegi integrala eskaini nahi die Bioterrak bisitariei.

 Datu praktikoak

Bioterraren 14. edizioak ekainaren 2tik (ostirala) ekainaren 4ra (igandea) irekiko ditu ateak. Inaugurazio ofiziala ostiralean ekainak 2an izango da, 12:00etan.

Azokak ordutegi etengabea izango du ostiralean igandean, 10:00etatik 20:00etara. Larunbatean, berriz, 21:00etaraino luzatuko da. Sarreraren prezioa: 3 €  (12 urtera arteko haurrak, doan). Doako aparkalekua. Euskotren geltokia 50 metrora.

http://bioterra.ficoba.org