viernes, 18 de marzo de 2016

Zaharkinen azoka

Ficoban, Irun Hiria Zaharkinen VI. Azoka  



  • 30.000 objektu baino gehiago salgai preziorik onenean
  • Publikoarentzako zuzeneko salmenta
  • 3 erakusketa-egun, erosketak errazteko
  • Larunbatean, hilaren 19an, 18:00etan, “Curiosity Antic” enkante handia
  • Igandean, hilaren 20an, “200 euroko zozketa” bertaratutako publikoaren artean

Berriz ere, Espainia osotik eta beste herrialde batzuetatik, esaterako Frantzia, Holanda eta Ingalaterratik etorritako 35 antikuariori eta almonedistari esker Irun “Denboraren tunelean barrena ibilaldi bat” bilakatuko da.

Irunen ekitaldia antolatzen dagoeneko bost urte daramatzan "Curiosity Antic" enpresaren eskutik, erakusketariek merkatuko preziorik onenetan eskainiko dizkigute beren “altxorrik” preziatuenak. 

Bitxi isabeldarrak, ekialdeko artea, eta arte erlijiosoa, antzinako altzariak, panpinak, zetazko xalak, eskulturak, pintura, irratiak, binilozko diskoak, eta bilduma-objektuak…”Retro” eta “Vintage” ahaztu gabe. Ekitaldiak iraungo duen 3 egunetan zehar salgai jarriko diren 30.000  pieza baino gehiagoren adibide batzuk baino ez dira.

Geografia nazionaleko zaharkin-azoka garrantzitsuenetako bat da hau, seigarren edizio honekin jada finkatua dagoena, eta urterik urte erakusketari berriak -gero eta kalitate handiagoko piezak ekartzen dituztenak- biltzen dituena.  

Aldi berean une ezin hobea da artean eta zaharkinetan inbertitzeko, oraingo merkatuaren exijentziak kontuan harturik zaharkin-saltzaileak gero eta gehiago ari baitira beren prezioak doitzen.

Zuzeneko salmentako azoka denez, ezinbesteko hitzordua da sektoreko profesionalentzat ezezik (bildumagile, dekoratzaile, arkitekto eta iraganarekiko zaletuak), “gustu oneko” edozein pertsonarentzat ere, hau da, bere etxea apaindu edo opari berezi hori egin nahi duenak azoka honetan aurkituko dituen pieza guztien artean objektu bat aukeratzeko modua izan dezan.

Ostiralean, hilaren 18an, 17:00etan, zabalduko ditu ateak “IRUN HIRIA ZAHARKINEN VI. AZOKA” ekitaldiak. Proposamen berri bat zaharkinak maite dituztenentzat.

Azoka are interesgarriagoa egiteko, larunbatean, esparru berean eta sarrera berarekin, “CURIOSITY ANTIC enkante handia” egingo da; bertan enkantean jarriko dira 40 – 50 objektu euro bateko preziotik abiatuta.

Igandean 200 euro zozketatuko dira bertaratutako publikoaren artean, erakusketa osatzen duten standetako edozeinetan erosi ahal izateko.

Sarreraren prezioa 3 €-koa da; 12 urtetik beherako haurrak –heldu batekin datozenak- sarrera doan.

Publikoarentzako ordutegia, ostiralean: 17.00 - 21.00; larunbatean eta igandean: 11.00  - 21.00; eguerdian ez da itxiko.




No hay comentarios:

Publicar un comentario en la entrada