miércoles, 16 de enero de 2013

Azoka berriak 2013


Bi azoka berri Ficobako egutegian: 
Inserciona Euskadi eta Feelfitness Experience

 Ficobak bere jarduera gehitzen jarraitzen du 2013an. Oraingo honetan bi ekitaldi handik aukeratu dituzte erakustazokaren instalazioak. Urtarrilaren 31n eta otsailaren 1ean,  Insercionaren bigarren edizioa egingo da Ficoba, Gizarteratze Enpresei buruzko Europako Azoka, FAEDEI estatu mailako Gizarteratze Enpresak biltzen dituen Enpresa Elkarteen Federazioak eta Gizatea Euskal Herriko Gizarteratze Enpresen Elkarteak sustatua.

120 enpresak baieztatu dute parte hartuko dutela azoka honetan. Azokaren helburu nagusia da gizarteratzeko enpresen lana ikustaraztea, eraginkortasuna aitortua duen elkartasunezko gizarte-ekonomiaren eredu gisa, gizartean baztertuta dauden edo egon daitezkeen pertsonak laneratzeko eta gizarteratzeko.

Insercionak  erakusketa gune zabal bat edukiko du. Ficobako bi pabiloietan egingo da. Bertan, lurralde espainiar osoko gizarteratze enpresen produktuak eta zerbitzuak ezagutaraziko dira eta Administrazioari, enpresa publikoei zein enpresa pribatuei zuzenduko zaie. Eskaintza tailer praktikoekin eta topaketekin osatuko da. Enpresa mota honetako jarduera sektore guztiei buruzkoak izango dira, hala nola ingurumenaren kudeaketa; teknologia berriak, aisia eta kultura; eraikuntza eta konponketak; garbiketa eta mantentze-lanak; ostalaritza eta jatetxeak; eta zerbitzuak .

Beste azoka berria udaberrian izango da, maiatzaren 4 eta 5ean, Feelfitness Experience 2013, Euskadiko konbentzio eta fitness eta kirol erakusketa handiena bilakatu nahi duen azoka. Euskadiko Feelfitness Kirola Bultzatzeko Elkarteak antolatua. Ekitaldia fitness eta kirol zaleei, kirol zentroei, gimnasioei, instruktore eta profesionalei zuzentzen zaie. Publiko ororentzat izango da.


No hay comentarios:

Publicar un comentario en la entrada