lunes, 7 de enero de 2013

9.000 pertsonak baino gehiagok gozatu dute Ficobako EHPaz


Ficobako Eguberrietako Haur Parkea Gipuzkoa osorako ekintza gisa finkatzen da

Aurten ere milaka bisitari erakarri ditu Ficobako Eguberrietako Haur Parkeak -zehazki 9.138 pertsona- Gipuzkoako txoko guztietatik, Nafarroatik eta baita Iparraldetik ere etorriak. Bisitarien jatorriaren arabera egiazta daiteke Ficobako Eguberrietako Haur Parkea bisitaririk hurbilena –hau da, Txingudi eskualdekoa- erakartzeko gauza izan dela, eta horiek izan direla bisita guztien %39, alegia. Baina, batez ere, agerian jartzen duena zera da, Eguberrietako Haur Parkeak ohiartzun zabala izan duela beste toki batzuetan ere; horrela erakusten du bisitarien %61 kanpotik etorriak izanak; hara zein izan den bisitari horien jatorria: Donostia: % 23 Gipuzkoako gainerako herriak: %34, Nafarroa: %3, eta Frantzia, Hendaia sartu gabe: %1

Edizio honetan jarduera-proposamen berriak ekarri dituen Eguberrietako Haur Parkeaz gozatzeko parada izan dute haurrek. Harrera bikaina egin diote haurrek jarduera teknologikoak indartu dituen eskaintza honi: errobotika tailerra eta software libreko gunea, planetariuma eta auto telegidatuentzako pista zeuden, adibidez, eskaintza horren barruan. Eta jarduerak osatzeko, EHPak iraun duen bitartean aldatzen joan diren tailer ugari, eta  puzgarriak, ohe elastikoak eta “barraka” ugari ere izan dira.

Ohi denez, bisitariek gehien baloratu duten alderdietako bat erakustazokako instalazioen zabaltasuna izan da. Horri esker, erosotasunez gozatu ahal izan da Ficobako hiru pabiloiak bete dituzten jarduera ludiko eta hezigarrien eskaintza zabala. Jendeak asko baloratu duen beste alderdi bat aparkalekua dohainik izatea izan da.

http://pin.ficoba.org

No hay comentarios:

Publicar un comentario en la entrada