viernes, 7 de septiembre de 2012

IRUNDARRAK EZAGUTZEN

Atzo Irungo zenbait denda bisitatu genituen. Aste gutxi barru bi azoka ozpatzen ditugu: MENDIEXPO eta EUSKAL KOSTALDEKO GABONETAKO AZOKA eta argi daukagu Irungo komertzio eta enpresentzat aukera ona dela beraietan parte hartzea.


FICOBA-ko proiektua, Irundar batzuek, ez dute begi onez ikusten eta,  onartu beharra daukat, tripako zirrara antzeko batekin joan nintzela bisitak egitera. Baina bestalde, nire baitan zegoen  alderik hoberena aurkezteko prest abiatu nintzen.

Egia esan, aurkitu nuena atsegina izan zen!! Mendibil komertzial zentrua, Republica Argentina kalea eta Kolon ibilbideko zenbait dendatara sartu nintzen. Kale hauetan LEIRE SPORT-eko Felipekin, ABREGO harategiko Pablokin, PERFUMERIA ORQUIDEA-ko Begoñakin, CASA CALVO-ko Itziarrekin, VINOTECA MENDIBIL-eko Mariakin, KIOSKO 33-ko Manolokin, ZAPATETES-ko Estherrekin, HALCON VIAJES-ko Beatrizekin, BLOODY MARY-ko Juancarrekin, PEINART-eko Susanakin, ... hitzegin nuen.

Salbuespenik gabe ondo hartu ninduten guztiek eta zenbaitekin elkarrizketan sakondu ere. Manolori adibidez asko gustatzen omen zaio Bioterra eta gertutik irakurtzen ditu FICOBA-ko berri guztiak. Mariak lankidea den Ander ezagutzen du eta Juancarrek ere, orain dela gutxi, FICOBA-ko ekitaldien kudeatzailea den Ane-kin egon da gu hobeto ezagutzeko.


Eta datorren astean bisitekin jarraituko dugu. Hondarribi kalean, Serapio Mugica, … kaleetan ikusiko gara, baina oraingoan, tripako zirrararik gabe joango gara Irunen gende jatorra eta langilea aurkitu baitugu,  Ficoba-ko taldean gauden bezalakoak, gende normala.

No hay comentarios:

Publicar un comentario en la entrada