2012ko Euskal Kostaldeko Eguberrietako Azoka:

eskualdeko GKE eta elkarteei lagunduz

Aurten, berriz ere, Euskal Kostaldeko Eguberrietako Azoka puntual dator Ficobara. Oraingoan, abenduaren 6tik 9ra irekiko ditu ateak, eta, beti bezala, eskaintza zabala izango da, orain arte egindako sei edizioetan milaka bisitariren interesa piztu baita horrela.

Aurten, azokak beste proposamen batzuk sartu nahi ditu, eta, horregatik, dei berezia egin die Txingudi eskualdeko elkarteei eta Gipuzkoako GKE elkarteei, azokan parte har dezaten. Elkartuz izena emanda, Ficobak aukera proposatu die Euskal Kostaldeko Eguberrietako Azoka beren jarduera ezagutzera emateko erakusleiho bihur dezaten eta horrela, adibidez, bazkide berriak egin ditzaten. Ficobak gune espezifikoak gaituko ditu GKE eta elkarteek haien berri eman dezaten. Gainera, Ficobak elkarte parte-hartzaile bakoitzari azokara sartzeko 100 gonbita emango dizkio, elkarteak nahi duen bezala bana ditzan.

Era berean, Ficobak Elkartuzen parte hartu nahi duten elkarteak ere animatu nahi ditu haien berri eman dezaten modu aktiboan. Horregatik, berariazko gune bat egokituko du azokako bisitariei zuzenduta jarduera ludiko eta erakargarri bat antolatzera animatzen diren elkarte eta GKE guztientzat. Jarduera horiek egiteko, Ficobak oinarrizko azpiegiturak eta beharrezko oinarrizko altzariak utziko dizkie. Eskaera aurkezteko epea urriaren 23an amaitzen da, eta informazio gehiago nahi izanez gero, 943 66 77 88 telefonora deitu edo idatzi expo@ficoba.org helbidera.