Mendiexpo-ren bederatzigarren edizioa

Mendiexpo-ren bederatzigarren edizioak badu egunik: azaroaren 24an eta 25ean egingo da

Ficoba Fundazioa Mendiexpo-ren bederatzigarren edizioa komertzializatzen hasi da, aire libreko jardueretako aditu eta zaleentzako outdoor ekitaldia hain zuzen. Edizio honetan Ficobara hurreratzen diren bisitariek hiru arloko erakustokia aurkituko dute: Zuzeneko Salmenta eta Outleten Atala; Helmuga Turistiko, Eskualde eta Eski Estazioen Atala; eta Bidaia Agentzien, mendiko giden eta beste enpresa zerbitzu batzuen, ehun fabrikatzaile, oinetako, mendiko material eta beste sektore batzuen Atala.

Era berean, aipatzekoa da ahalegin berezia egingo dela baliabide eta turismo baliabideekin zerikusia duten erakusketariak erakartzeko, izan ere azken edizioetan ikusten da oso sektore interesgarria dela Mendiexpo-ko publikoarentzat eta arlo horrekin lotutako erakusketariek oso balorazio ona egiten dutela azokan duten partaidetzaz.

Azken batean, xedetzat dute Ficobako pabilioietan aire libreko jardunen adituaren eta zalearen ezaugarri askotarikoei erantzutea eta gai hauekin lotutako standak eskaintzea: xendazaletasuna, eskalada, mountain bike, eskia, snowboard, izotzetako eskalada, kainoi jaitsiera, espeleologia, kanpaldia, birdwatching, urpekaritza, snorkeling, itsasontziko arrantza, wind surf, piraguismoa, ur-eskia, rafting, alojamenduak, turismo bulegoak, mendi eta bidaia gidak, zerbitzu turistikoak, bidaia agentziak eta eski-estazioak, besteak beste.

Banff Mountain Film Festival Worldtour-aren 2. edizioa

Mendiexpok bigarren urtez hartzen ditu munduko zine jaialdiko proiekzioak. Proiekzioen data oraindik berresteko dago, baina jakina da pelikula proiekzio bakarra egingo dela.

Banff Mountain Film Festival-eko proiekzioak Mendiexpoko jarduera paraleloen egitarauaren parte dira, hori izanik Mendiexpon gehien baloratzen den gauzetako bat, edizio guztietan nabarmendu baita bisitariei barietate eta kalitate handiko hitzaldi eta proiekzio programa eskaintzeko.