lunes, 6 de junio de 2016

Bioterra 2016

11.500 bisitari inguruk gozatu dute asteburu honetan Ficoban Bioterraren ediziorik handiena






Bioterra Produktu Ekologikoen, Bioeraikuntzaren, Energia Berriztagarrien eta Kontsumo Arduratsuaren Azokaren parametro guztien balorazio kuantitatiboak positiboak izan dira. Hamahirugarren edizioa handiena izan da, erakusketari-kopuruaren aldetik (190), eta hirugarrena, bisitari-kopuruaren aldetik (11.500). Babes garrantzitsua bisitarien aldetik; izan ere, sarrera dohainik zen edizioetan bakarrik bertaratu da jende gehiago. Horrek agerian uzten du azokaren hazkuntza iraunkorra esparru horretan ere.

Aipamen berezia merezi du bisitari profesionalen presentziak. Haientzat, Bioterraren edizio honek gune espezifiko bat egokitu du, Bio Pro, beren topaketa komertzialak egin zitzaten. Asteburu osoan, 300 bisitari profesional inguru akreditatu dira, eta 100 bileratik gora egin dituzte.

“Oso pozik gaude Bioterraren edizio hau nola joan den ikusita", adierazi du Mónica Alday bertako zuzendariak. Jarri genituen helburuak bete ditugu, bai erakusketariei dagokienez bai bisitariei dagokienez. Eta oso pozik gaude, oso harrera ona izan baitute Bioterraren proposamena aberasteko aurten egin ditugun proposamen berriek.

Hurrengo ediziorako erronka erakusketari-kopurua sendotzea da, eta aurten abian jarri diren berrikuntzak bultzatzea, hala nola Bioterraza eta BioBeauty Gunea, Bioterra markaren eta bere eskaintzaren parte bihur daitezen.


http://bioterra.ficoba.org

No hay comentarios:

Publicar un comentario en la entrada