Bioterra 2016

Bioterra 2016, errekorreko edizioa

 Bioterra Produktu Ekologikoen, Bioeraikuntzaren, Energia Berriztagarrien eta Kontsumo Arduratsuaren Azokak aurreko edizioetako erakusketari-zifra guztiak gainditu ditu. Iaz 167 erakusketari izan ziren azokan, eta 2016an, kopuru hori 190era igo da; hau da, %13ko hazkuntza.

Erakusketari-kopurua gehitu izanaren arrazoi nagusia da hazi egin dela bioeraikuntzarekin eta energira berriztagarriekin zerikusia duten gaiak agertzen dituen Geobat gunea:  43 erakusketari; 2015ean baino %45 gehiago. Erakusketari horiek beren proposamenak erakutsiko dituzte fatxada aireztatuen inguruan, bioeraikuntzarako zelulosa edo eraikuntzarako bestelako material naturalak dituzten isolatzaile termikoen inguruan eta energia berriztagarrien inguruan (biomasa, eguzki-energia eta geotermia).

Geobaten Energiaren Euskal Erakundeak parte hartuko du, besteak beste, eta informazioa emango du proiektuei buruz, egungo jardunbideei buruz eta aurtengo laguntza-programei buruz, eta baita geotermiaz, biomasaz, itsas energiaz eta eraikinetako energia-ziurtagiriaz ere. Era berean, bisitariek aukera izango dute ordenagailu batera konektatutako bi bizikletaren gainean gozatzeko, munduko edozein bizikleta-ibilbidetan ibiliz. Eta standa osatzeko, photcall bat; bertan, argazkiak egin ahal izango dira surf taula batera igota, atzealdean itsas eoloak eta olatuak agertzen direla.

Bioterra gunean, nekazaritza ekologiko ziurtagiriduneko elikagai-enpresek erakusten dute: %100ean ziurtatutako ehungintza organikoko enpresek, kosmetika ekologiko ziurtatuko enpresek... 88 erakusketari izango dira bertan.

Berritasun gisa, aurten, Biobeauty gunea gehitu da Bioterrara. Gune horretan, kosmetikako kontsumo jasangarriaren informazioa ematen eta dibulgatzen dute, eta baita elikadurarekin, osasunarekin eta ongizatearekin lotutako beste gai batzuen inguruan ere. Ingurune dinamiko, alai eta hurbilekoa sortu nahi da, bisitariak sakon ezagutu ditzan bio jatorriko gaiek nolako onurak ekartzen dituzten. Gune honek Bioterra gunean parte hartzen duten kosmetikako stand guztien erakusleiho bihurtu nahi du; izan ere, haiek guztiak ziurtagiri ekologikoa duten produktuak dira.

Era berean, nabarmendu beharra dago euskal eta nafar ekoizle ekologikoak ere izango direla Bioterra pabiloian. ENEEK Euskadiko Nekazaritza eta Elikadura Ekologikoaren Kontseiluak, Bioterrako Batzorde Antolatzaileko kide denak, 15 ekoizle euskaldunen presentzia ahalbidetu du; bestetik, berriz, CEPAEN Nafarroako Nekazaritza Ekoizpen Ekologikoaren Kontseiluak beste hainbeste egin du, 8 erakusketari nafar ekarrita.

Naturall gunea Osasunaren eta Ongizatearen gunea da. Kosmetika eta higiene naturala, ehungintza eta osagarri naturalak, habitat osasungarria, terapia naturaletarako osagarriak, ekoturismoa, sendagai naturalak, prentsa espezializatua eta abar izango dira bertan, eta 59 erakusketari bilduko ditu.

Bioterraza, Bioterra kanpoaldera hazi da

Ficobako hiru pabiloiak proposamen ekologiko eta jasangarriez beteta, Bioterrak kanpoaldera irekitzea erabaki du, eta gune gastronomiko berri bat sortu du. Bioterraza honetan, bisitariek gune atsegin bat aurkituko dute azokaren bisitaldian geldialdi bat egin eta sukaldaritza ekologikoaren eskaintza zabal bat dastatzeko. Janari beganotik talo tradizionaletaraino. Bien bitartean, pabiloietako standetan erakusketariek eskaintzen dituzten produktuen dastaketak gozatzen jarraitzeko aukera izango da. Produktuen artean, berritasunak ere bai; esaterako, Rioja jatorri-deitura duen erreserba handi ekologikoa.

Kanpoaldeko eskaintza Gipuzkoako Foru Aldundiak sustatutako karparekin ere aberasten da; izan ere, bertan, jasangarritasunarekin zerikusia duten eragileen proposamenak ezagutu ahal izango dira. Eragileen artean, Ecoembes, Ecovidrio, Emaus, Elikagaien Bankua, GHK edo Usurbilgo Lanbide Heziketako Institutua.

Bisitari profesionalentzako gune bat

Bioterra jende orori zuzendutako azoka bat da, baina baita bisitari profesionalari ere. Aurten, hainbat ekimen egin dira Bioterrako erakusketariekin, merkataritza-harremanak ezartzeko interesa duten bisitari profesionalen presentzia sustatzeko. Dagoeneko, 200 bisitari profesionalek baieztatu dute, oraingoz, Bioterra 2016 azokan izango direla; Euskadikoak nahiz Kataluniakoak, Gaztela-Leongoak, Galiziakoak, Murtziakoak, Madrilekoak edo Kantabriakoak.

Jarduera berdeen programa

Bioterra bisitatzen dutenen “Eko” esperientzia oso-osoa izan dagin, aurten, berriz ere, jarduera-programa zabal eta askotariko batekin osatzen da azoka-proposamena. Aurreikusita dago 23 hitzaldi egitea adituen, elkarteen eta adiministrazio publikoen eskutik. Haietan, ingurumenaren inguruko joera, ekimen eta politika berriak zabalduko dira. Hainbat gai landuko dira; besteak beste, hirigintzak eta arkitekturak bizi-kalitatea hobetzeko duten zerikusia, energi eraginkortasuna, hormonek osasunean duten eragina, elikadurak osasunean duen inpaktua, elektrizitatearen autokontsumoa, hiri-baratzea edo klima-aldaketa.

Tailerrak eta erakustaldiak egongo dira, bai helduentzat bai haurrentzat, azokako hainbat gunetan.  Tailer horietan gai askotarikoak landuko dira; esaterako, adobeak fabrikatzea, geobiologiako erakustaldiak, terapia naturalak, baratzezaintza ekologikoa, konpostatzea eta zizareak... Sukaldaritza kontuak nahiago dituztenentzat, “Sukaldean” gunearen proposamena. Hor, hitzaldi praktikoak garatuko dira. Eta, beti bezala, jarduera paraleloen eskaintza ere bai, etxeko txikienak ekologiaren eta jasangarritasunaren munduan murgiltzen has daitezen. Gainera, aukera izango dute merienda ekologiko nutritibo bat ere dastatzeko; Eneek-ek banatuko du dohainik, larunbatean eta igandean. Proposamen ugari horiek Bioterra egun osorako plan bat izan dadin ahalbidetzen dute.

 (Ikus programa osoa: http://bioterra.ficoba.org/micro_Bioterra/down/Bioterra2016-programa-web.pdf?v2)

Datu praktikoak

Bioterraren XIII. edizioak ekainaren 3ko ostiraletik ekainaren 5eko igandera arte irekiko ditu ateak. Inaugurazio ofiziala ostiralean izango da, 12:00etan.

Azoka zabalik egongo da 10:00etatik 20:00etara, etenik gabe, ostiralean eta igandean; larunbatean, berriz, 21:00ak arte egongo da irekita. Sarreraren prezioa: 3€
(12 urte arteko umeek, dohainik). Parkinga dohainik. Euskotrenen geltokia, 50 metrora.

http://bioterra.ficoba.org