lunes, 9 de noviembre de 2015

Euskal Kostaldeko Gabonetako azoka

       Euskal Kostaldeko Eguberrietako Azokak hamargarren  urtea du

 Euskal Kostaldeko Eguberrietako Azokak hamargarren urtea duen honetan Eguberriak lehenago iritsiko dira Ficobara. Azokak hamar urte bete ditu eta erabat finkatua dago, eta Ficoban egiten direnen artean jendetsuena bilakatu da. Iaz 23.000 bisitari inguru izan ziren Erakustazokan, bertako erakustoki ugarietan eskaintzen zenaz eta familia osoari begira programatutako ekintzez gozatzeko.
Aurten Eguberrietako Azokak berriz ere Ficobako hiru pabiloiak beteko ditu, era guztietako gauzak eskainiz: elikagaiak eta gastronomia; osasuna eta edergintza; dekorazioa; turismoa, aisialdia eta denbora librea; moda eta osagarriak; etxea; ibilgailuak; zerbitzuak…
Proposamen horiei Irungo VI. Artisautza Azoka gehitu behar zaio, Gabiltza elkarteak bultzatzen duen azoka, Ficobako 1. pabiloia artisautza tradizional, sortzaile eta garaikideaz beteko duena.
Eta, jakina, ez da faltako haurrak protagonista nagusi izango dituzten aldi bereko jarduera programa hornitu-hornitu bat ere.  

Datu praktikoak
Azoka Ficoban egingo da abenduaren 5etik 8ra. Abenduaren 5ean (larunbatean) eta 8an (asteartean) azoka 11.00etatik 20.00etara egongo da zabalik; abenduaren 6an eta 7an (igandea eta astelehena), ordea, ordutegia ordubetez luzatuko da (11.00 - 21.00).  Sarrera-prezioa 3 €-koa da eta 12 urte arteko haurrek ez dute ordaindu beharrik izango. Aparkalekua, Ficoban egiten diren gainerako jardueretan bezala, dohainik izango da.

http://expo.ficoba.org


No hay comentarios:

Publicar un comentario en la entrada