15 elkartek eta GKEk erantzun egin dute Ficobak egindako deiari, Eguberrietako Azokan parte hartzeko

Calcuta Ondoan, DYA Gipuzkoa, Intermon Oxfam, Chernobilen Lagunak, Amigosolidarios, Irungo Hiritar Foroa, Txingudi Vida ONG, Cáritas Gipuzkoa, Irungo Gurutze Gorria, Luis de Uranzu Kultur Taldea, Aurreratu Elkartea, Asociación Desarrollo Compatible (proyecto Harapan), Oroitza (Hendaia), Doa eta Alboan Elkartuz ekimenean parte hartzea erabaki dute. Euskal Kostaldeko Eguberrietako Azokak sustatu du ekimen hau, eduki gehiago eransteko asmoarekin. Erakunde horien parte hartzearekin balioak eta eduki sozialak zein elkartasunezkoak erantsi ahalko zaizkio azokari. Aldi berean, elkarte eta GKE hauei beren jarduerak eta helburuak ezagutarazteko aukera emango zaie urtez urte Euskal Kostaldeko Eguberrietako Azokara etortzen diren milaka bisitariei.

Ficobak gune espezifikoak gaituko ditu erakunde haiek haien berri eman ahal izan dezaten, eta erakunde parte-hartzaile bakoitzari 100 gonbidapen emango dizkio azokan sartu ahal izateko.

Azoka

Aurreko urteetan bezala, Ficobako Eguberrietako Euskal Kostaldeko Azokaren zazpigarren edizio honek gune zabal bat izan nahi du familiek eskaintza aukera zabalean beren erosketak era erosoan egin ditzaten. Aukera horretan hauek eskainiko dira: elikadura eta gastronomia; osasuna eta edergintza; dekorazioa; turismoa; aisia eta denbora librea; artisautza; moda eta osagarriak; etxeko gauzak eta ibilgailuak.

http://expo.ficoba.org