Eguberrietako Haur Parkea

                  Umeek hitzordua dute Ficobako EHPrekin       

PIN, PAN, PUN, Ficobako Eguberrietako Haur Parkea berriz dator aurten erakustazokara, Gipuzkoa osoko 3 urtetik 13ra bitarteko ume eta gazteen gozamenerako. Haientzako guztientzako hiru pabiloi egongo dira, abenduaren 22tik urtarrilaren 4ra arte, tarte on bat pasatzeko proposamenez eta motiboz beteta. Eta hori guztia, ilararik eta jende-pilaketarik gabe, tokia mugatu egingo baita, lasaitasunez gozatu ahal izateko.

Eguberrietako Haur Parkera joango direnek bi berritasun nabarmen aurkituko dituzte. Lehenengo pabiloian, eszenatoki bat jarriko da, hainbat jarduera egiteko; esaterako, euskal karaokearen jaiak, xaboi-burbuilekin batera, edo disko-festak. Eta beste berritasun bat zakurrak maite dituztenentzat pentsatuta dago, hezteko ikastaroetan parte hartu ahal izango baitute.

Eguberrietako horrelako edozein parketan ohizkoa den bezala, barrakek ere bere protagonismoa izango dute. Ez dira faltako matxinsaltoak, haurrentzako talka-autoak, baby hegalaria, dragoia eta ohe elastikoak. Iazko arrakastaren ondoren, Bubble Soccer ere berriz egingo da. Jolas horretan, futbola, talkak, segurtasuna eta dibertimendua nahasten dira burbuila baten barruan. Battlefield Live jolasa ere izango da. Horretan, parte hartzen dutenak azken belaunaldiko bideojoko bateko protagonistak balira bezala sentituko dira, izpi infragorriekin lehiatuz.

Teknologiak ere bere lekua izango du EHPn. Tailerrak egingo dira: robotika eta softwaren inguruan, eta beste gai batzuetako tailerrak ere bai: arrantza, txokolatezko piruletak egitea, eskumuturrekoak eta haize-helizeak egitea, Gabon eskulanak, Gabon kantak jotzeko tresnak, sorkuntza eta irudimena sustatzeko aktibitate eta taldekako jolasak, globoflexia, eta zirkoan erabiltzen diren elementuak, malabarak adibidez, egiteko tailerrak,  besteak beste.

Helbide honetan begira daitezke jardueren ordutegiak: http://pin.ficoba.org