miércoles, 8 de enero de 2014

Ficobako Eguberrietako Haur Parkea

Gipuzkoako bazter guztietako 11.500 haurrek gozatu dute Ficobako Eguberrietako Haur Parkeaz


Ficobako Eguberrietako Haur Parkeak joan den igandean (urtarrilak 4) itxi zituen ateak, oso aldekoa den balantze batekin: 11.500 bisitari, horrek %25eko hazkuntza dakar berekin, aurreko edizioarekin alderatuz. Zifra horiekin gehiago finkatzen da Ficobako EH Parkea, Gipuzkoako Eguberriko erreferentzia diren ekimenetako bat bilakatuz. Jende ugari bildu da egunero, baina -aurreko urteetan bezala- familia gipuzkoarrek nahiago izan dute Erregeen jaiegunaren aurreko astean egin bisitak.

Erantzun positiboa Gipuzkoako bazter guztietako ikastetxeetara ere zabaldu da. Goranzko eskaera dela eta aurten hiru egun erreserbatu dira EHPrako bisitak egiteko, bi egun erreserbatu beharrean.

Bestalde, jarduera berriak sartu direnez publiko gaztearen bisitak areagotu egin dira eta asko izan dira EHPaz taldean gozatu direnak, gurasoen eta laguntzaileen konpainiarik gabe. Oro har, jarduera guztiek izan dute harrera aparta publikoaren aldetik, eta bereziki tailerrek. Horiek Ficobako EHPak ere bilatzen duen funtzio didaktikoa betetzen dute.


Aurten ere EHPko bisitariek instalazioen erosotasuna azpimarratu dute, bai haurrentzat bai laguntzaileentzat, baita ilada motzak izatea –edukiera mugatua baita- eta, jakina, aparkalekua doan izatea autoz iristen direnentzat eta “topoa” hurbil egotea garraio publikoa aukeratzen dutenentzat.

No hay comentarios:

Publicar un comentario en la entrada