viernes, 3 de octubre de 2014

Garagardoaren azoka

Artekaña azoka beste data batean egingo da: urriaren 18an, Ficoban


Artekaña garagardo artisauaren lehenengo edizioa urriaren 18an (larunbatean) egingo da, hasiera batean iragarri zen moduan -irailaren 20ean- egin beharrean. Data aldaketa horren arrazoia da azokan parte hartuko duten garagardogile txikiak aste batzuk gehiago behar dituztela garagardoaren ekoizpenerako; izan ere, haien ekoizpena murriztu egin da udan zehar mota horretako garagardoak gehiago kontsumitzen direlako.
Artekaña azoka, dagoeneko, arrakastaz egin izan da Valladoliden, bi ediziotan. Orain, sustatzaileek ekitaldia Euskadira ekartzea erabaki dute; izan ere, beste leku askotan bezala, hemen ere, artisau-garagardoak gero eta onarpen handiagoa dauka merkatuan. Horregatik, azokak erabat izaera ludikoa duen arren, asmoa ere badakar Ficobara artisau-garagardoa sustatzen, saltzen eta haien markak tokia egiten laguntzen duen tresna ere izateko, eta, era berean, merkatu-bide berriak irekitzeko parte hartzen duten erakusketarientzat. Era berean, Artekañak foro bat bihurtu nahi du, artisau-garagardoaren kulturaren inguruan ezagutza sortzeko, tailerrak eta dastaketak antolatuz.
Artekaña: artisau garagardoa eta askoz gehiago
Etengabeko ordutegian, 12:00etatik 02:00etara, bertaratzen direnek aukera izango dute artisau-garagardo askotarikoak dastatzeko, baina, era berean, jarduera ugari ere gozatu ahal izango dituzte. Azokan, animazioa izango da egun osoan: musika-emanaldiak zuzenean, dastaketak eta elkartzeak, tailerrak, artisau-garagardo loteen zozketak, gastronomia... eta, horrekin batera, vinilo-diskoaren azoka ere egingo da.

Sarrerak 5 euro balio izango du. Prezio horretan, azokako edalontzi ofiziala eta kaña erdia sartuta daude. Edalontziak serigrafiatuta egongo dira, eta 2 euroraino bitarteko garagardoak dastatu ahal izango dira.

No hay comentarios:

Publicar un comentario en la entrada